पुणे : महाराष्ट्र नवनिर्माण सेनेचे कोकण विभागाचे संघटक, तसेच रत्नागिरी जिल्ह्यातील खेडचे नगराध्यक्ष वैभव खेडेकर यांची पुण्यातील पदाधिकाऱ्यांतर्फे भेट घेण्यात आली. पुणे महापालिका निवडणुकीत खेडेकर यांनी सहकार्य केल्याबद्दल प्रभाग क्रमांक एकमधील (कळस- धानोरी) मनसेचे पदाधिकारी व कार्यकर्ते यांच्या वतीने खेडेकर यांचे आभार मानण्यात आले.
या वेळी खेड तालुक्यातील मनसेचे पदाधिकारी किशोर साळवी यांच्या जन्मदिनानिमित्त त्यांना श्री भगद्गीता सप्रेम भेट देण्यात आली. या प्रसंगी मनसेचे नगरसेवक, जिल्हा अध्यक्ष, पंचायत सदस्य, उपजिल्हाध्यक्ष व सर्व पदाधिकारी व कार्यकर्ते उपस्थित असल्याची माहिती पुणे मनसेचे कार्यकर्ते गणेश पाटील यांनी दिली.